Leiw jonk an aal Oochener,
wéi an de vergangene Joeren invitéiere mer Ierch mat ärer Famill och dest Joer op Nationalfeierdag, Méindes den 23. Juni, op eisen traditionelle Pic-Nic.
Trotz zimlech duerchwuessenem Wieder war eis nei Grillplaatz op der Thillsmillen d’läscht Joer zumools beim jonke Public gudd ukomm, an dofir as och 2008 d’Adress vum Dag
« op der Dreps », am Bësch hannert der Thillsmillen tescht Mamer a Koplecht.
Vun 11:30 un sin d’Grillmeeschteren op der Plaaz an offréieren den Apero.
Wéi ëmmer kënne Grouss a Kleng sech de ganze Metteg iwwer austoben, sief et bei enger Partie Petanque, oder beim Puddelen an der Baach. Paakt dofir de Kanner eventuell e Puer Stiwwelen an eng extra Garnitur drechent Gezei an …
Umelle sollt der Ierch bis den 18. Juni beim Louis, eisem President (louphi@pt.lu, 388444), bei mär (michel_asorne@bce.lu) oder iwwert de Formulaire op eisem Internet-Site :
Bis geschwënn
Michel Asorne – Secrétaire Louis Philippe – Président
Leave a Reply
You must be logged in to post a comment.